Subscribe to our RSS Feed

ဒေါက်တာဆိတ်ဖွား သိစေအပ်ပါသည်

From : http://myanmarthway.blogspot.com/


လွှတ်တော်ဥက္ကဋ္ဌကြီးများနှင့်တကွ လွှတ်တော်ကိုယ်စားလှယ်ကြီးများအားလုံးကို လေးစားပါကြောင်းနှင့် ပြည်သူတို့၏အသံ၊ ပြည်သူတို့၏ဆန္ဒ၊ ပြည်သူတို့မျှော်လင့်ချက်များကို နားထောင်၊ တင်ပြ၊ ဖြည့်ဆည်း၊ ဆောင်ရွက်ပေးမှုများ ပြုလုပ်နေသည့်အတွက် လွန်စွာ့လွန်စွာမှပင် ၀မ်းမြောက်ဂုဏ်ယူ ဖြစ်ရပါကြောင်း ဦးစွာ ပြောကြားလိုပါသည်။

မြန်မာပြည်သူ သန်း ၆၀ ကိုယ်စား ဖင်ပူခံ၊ ခေါင်းပူခံ၊ နားပူခံ၊ လည်ချောင်းအပူခံ၍ လွှတ်တော်ထဲတွင်ထိုင်၊ စဉ်းစား၊ နားထောင်၊ ဆွေးနွေး၊ မေးမြန်း၊ ပြောကြားမှုများအတွက် ကျွန်တော်တို့ မြန်မာပြည်သူများ အားလုံးက အထူးပင် ကျေးဇူးတင်မဆုံး ဖြစ်လျက်ရှိပါသည်။ ကိုယ်စားလှယ်ကြီးများသည် ပြည်သူများက ရွေးကောက်တင်မြှောက်လိုက်သည့် အနှိုင်းမဲ့ဉာဏ်ကြီးရှင်များ ဖြစ်ကြရာ လွှတ်တော်ထဲတွင် ထိုင်သမျှ၊ ထသမျှ၊ ခလုတ်နှိပ်သမျှ၊ မတ်တပ်ရပ်သမျှ၊ မေးမြန်းသမျှ၊ ဆွေးနွေးသမျှသည် ကျွန်တော်တို့ ပြည်သူများ၏ စိတ်ထဲတွင် ဖြစ်နေသည်များကို ထွင်းဖောက်မြင်နေဘိအလား ကျွန်တော်တို့ ပြည်သူများ၏ ဆန္ဒများနှင့် ထပ်တူထပ်မျှကျကြောင်းကိုလည်း ၀မ်းသာဂုဏ်ယူစွာ ပြောကြားလိုပါသည်။ ကိုယ်စားလှယ်ကြီးများ အနေဖြင့် ရွေးကောက်ပွဲ မဲဆွယ်ကာလက မဲရရှိစေရန်အလို့ငှာ ကျွန်တော်တို့ ပြည်သူများအတွက် လမ်းခင်းပေး၊ ရေတွင်းတူးပေး၊ မီးကြိုးသွယ်ပေး၊ ဖုန်းလိုင်းဆင်ပေး၊ ဘုန်းကြီးကျောင်းဆောက်ပေး၊ သိမ်လှူပေး၊ စသည်စသည်ဖြင့် အကုန်အကျခံ၍ အရင်းအနှီးများ အမြောက်အမြား မိမိအိတ်ထဲမှ စိုက်ထုတ်သုံးစွဲ ထားခဲ့သော်လည်း နေပြည်တော်ရှိ လွှတ်တော်ကြီးထဲတွင် တစ်နေကုန်တစ်နေခန်း ဖင်ပူအောင်ထိုင်ကာ မိမိတို့၏ စီးပွားရေးလုပ်ငန်းများ အပါအ၀င် အိုးပစ်အိမ်ပစ် သားပစ်၊ မယားပစ်၊ ချစ်သူပစ်၊ တိတ်တိတ်ပုန်းပစ် လုပ်ဆောင်နေကြပါသော်လည်း နေ့တွက်စရိတ် တစ်လ ၃ သိန်းနှင့် လစဉ်ချီးမြှင့်ငွေ တစ်လ ၃ သိန်း၊ စုစုပေါင်း ၆ သိန်းသာယူကာ နေ့စဉ်ဖယ်ရီကို ပိုက်ဆံ ၅၀၀ ကျပ်ပေး၍ လွှတ်တော်တက်နေကြောင်း သိရသည့်အတွက်လည်း ပြည်သူများအားလုံးက စိတ်မကောင်းဖြစ်ရပါသည်။ သို့သော် ပြည်သူတွေအတွက် ထိုကဲ့သို့ စွန့်လွှတ်အနစ်နာခံကာ လုပ်ဆောင်နေကြသည်ကို မြင်ရသည့်အတွက် ဗိုလ်ချုပ်အောင်ဆန်းကဲ့သို့ ပုဂ္ဂိုလ်များ နောက်ထပ်အစားရသည်ဟု အောက်မေ့ကာ ဂုဏ်ယူမဆုံး ဖြစ်မိပါသည်။

မြန်မာတွေရဲ့ မနာလိုစိတ်များကြောင့် တိုင်းပြည်အကျိုးကို သူများနှင့်မတူအောင် စွန့်လွှတ်ကြိုးပမ်း ဆောင်ရွက်နေကြသည့် လွှတ်တော်ကိုယ်စားလှယ်ကြီးများ စိတ်အနှောင့်အယှက် ဖြစ်စေခဲ့သည့် ဒေါက်တာဆိတ်ဖွား ဆိုသူကိုလည်း ကျွန်တော်တို့ ပြည်သူအားလုံးက အင်မတန်မှပင် အော့နှလုံးနာ၊ စက်ဆုပ်ရွံရွှာ၊ ခါးသီးမုန်းတီး၊ အသံမျှမကြားချင်၊ ကုန်ကုန်ပြောရလျှင် ဆိတ်သားကိုပင် မစားချင်လောက်အောင် မုန်းတီးလျက်ရှိကြောင်း သိစေအပ်ပါသည်။ ဘာဒေါက်တာမှန်းမသိသည့် ဆိတ်ဖွားဆိုသည့် လူ့ဗာလ၊ လူ့အန္ဓ၊ လူ့အမှိုက်၊ ဆန်ကုန်မြေလေး၊ ကလေကချေ၊ ရေမြောကမ်းတင်၊ ဓာတ်တိုင်သေးပန်း၊ လမ်းဘေးချီးယို၊ ကြံဖတ်အီးအီးကုန်း၊ အလှူအိမ်ဖိနပ်ခိုး၊ မသာအိမ်ဖဲရိုက်၊ မွေးထားသည့်မအေအတွက် ၀မ်းရေစပ်စေသည့် ငကြောင်တစ်ကောင်ကြောင့် မြန်မာပြည်၏ အဆင့်အမြင့်ဆုံး အဖွဲ့အစည်းကြီးဖြစ်သည့် ပြည်ထောင်စုလွှတ်တော်မှ ပြည်သူတို့၏ ရင်နှစ်သည်းခြာလည်းဖြစ်၊ အားကိုးရာလည်းဖြစ်၊ မိဘသဖွယ်လည်းဖြစ်၊ မှီခိုအားထားရာလည်းဖြစ်သော ကိုယ်စားလှယ်ကြီးများ၏ စိတ်ဘ၀င်ကို ညှိုးငယ်၊ ပင်ပန်း၊ ရှုပ်ထွေး ဖြစ်စေခဲ့သည်မှာ လုံးဝ လုံးဝ လုံးဝ လုံးဝ ခွင့်လွှတ်ဖွယ်ရာ မရှိပါ။

ယခုအခါ ဆိတ်ဖွားဆိုသည့် သကောင့်သားကို မည်သူမည်ဝါမှန်း စုံစမ်းစစ်ဆေးရေးကော်မရှင်က သိရှိပြီး ဖြစ်သည်ဟု ကြားသိနေရပါသည်။ မြန်မာပြည်သူအားလုံးက အင်မတန်မှပင် ၀မ်းမြောက်ဝမ်းသာ ဖြစ်လျက်ရှိပါသည်။ အမှန်တကယ်တော့ ဆိတ်ဖွားဆိုသည့် ဘာမဟုတ်သည့်လူကို ကျွန်တော်တို့ ပြည်သူများက သိချင်၊ လိုချင်သည်မဟုတ်ပါ။ ကျွန်တော်တို့၏ ကိုယ်စားလှယ်ကြီးများ နေ့စဉ်နှင့်အမျှ ဆိတ်ဖွားအကြောင်း ခေါင်းထဲထည့်ထားရသဖြင့် မပျော်မရွှင်၊ မကြည်မလင် ဖြစ်နေသည်ဟု သိရသည့်အတွက် အခုလို မြန်မြန်သိသွားသည့်အပေါ် ၀မ်းသာကြခြင်းဖြစ်ပါသည်။

စုစည်းညီညာအောင်ကြောင်းဖြာဆိုသည့် ဆောင်ပုဒ်ကို လက်ကိုင်ထားသည့်၊ လူညီလျှင် ဤကို ကျွဲဟု ဖတ်၍ရရုံသာမက သမ္မတကြီးကိုပင် စွပ်စွဲပြစ်တင်ပြီး ရာထူးမှနုတ်ထွက်သွားအောင် လုပ်နိုင်စွမ်းရှိသည့် ဘုန်းရှင်ကံရှင် လွှတ်တော်နှင့် လွှတ်တော်ကိုယ်စားလှယ်ကြီးများအား စော်ကားမော်ကား၊ မထီလေးစား၊ မရိုမသေ၊ ကပျက်ကချော်၊ ကချော်ကချွတ်၊ ထေ့ထေ့ငေါ့ငေါ့၊ စွက်စွက်ဖက်ဖက်၊ ဝေေ၀ဖန်ဖန်၊ ပြောင်ပြောင်လှောင်လှောင်၊ သရော်တော်တော်၊ ဟာသလုပ်ခဲ့သော ဆိတ်ဖွားဆိုသည့် ဒေါက်တာအစုတ်ပလုတ်အား သေဒဏ်ပေး၍ ဆေးထိုးကွပ်မျက်ပေးပါရန် ကျွန်တော်တို့ပြည်သူများက တစ်နိုင်ငံလုံးအနှံ့ ဆန္ဒဖော်ထုတ်ပွဲများ ပြုလုပ်သွားရန်အတွက် စီစဉ်လျက်ရှိပါသည်။ မြန်မာပြည်အတွက် လုံးဝအသုံးမ၀င်သည့် ဆိတ်ဖွားဆိုသည့်လူသည် မရှိမဖြစ် လွှတ်တော်ကိုယ်စားလှယ်များအတွက် အန္တရာယ်ဖြစ်သည်ဆိုလျှင် ကျွန်တော်တို့ပြည်သူများ၏ အန္တရာယ်ပင် ဖြစ်ပါသည်။ လွှတ်တော်စိတ်ညစ်လျှင် ပြည်သူတွေစိတ်ညစ်ပါသည်၊ လွှတ်တော်စိတ်တိုလျှင် ပြည်သူတွေ စိတ်တိုပါသည်၊ လွှတ်တော်ဒေါသထွက်လျှင် ပြည်သူတွေ ဒေါသထွက်ပါသည်။ ထို့ကြောင့် လွှတ်တော်က အလိုမရှိသည့် ဒေါက်တာဆိတ်ဖွားအား ကျွန်တော်တို့ ပြည်သူများကလည်း လုံးဝ လုံးဝ လုံးဝ အလိုမရှိပါကြောင်း ဒေါက်တာဆိတ်ဖွားသိစေရန် ဤနေရာမှတစ်ဆင့် အသိပေးကြေညာအပ်ပါသည်။

မှတ်ချက်။ ဤစာကို လွှတ်တော်ဥက္ကဋ္ဌများနှင့် ကိုယ်စားလှယ်များထံသို့လည်း ပြည်သူထံမှ ပေးစာအဖြစ် ပေးပို့သွားမည် ဖြစ်ပါသည်။ အကယ်၍ အထက်တွင် ရေးခဲ့သည်များကို သဘောတူပါလျှင် အောက်တွင် ဖော်ပြထားသည့်အတိုင်း သုံးကြိမ်သံပြိုင် ရွတ်ဆိုကြစေလိုပါသည်။

ဒေါက်တာဆိတ်ဖွား အလိုမရှိ
ဒေါက်တာဆိတ်ဖွား အလိုမရှိ
ဒေါက်တာဆိတ်ဖွား အလိုမရှိ

ကျွန်တော်ကိုဉာဏ် တကယ်ရေးချင်တာက ဒီလို... ဒီလို....
ဆိတ်ဖွားလိုမျိုး လွှတ်တော်ရဲ့ ဂုဏ်သိက္ခာကို ထိခိုက်စေမယ့် အရေးအသားတွေကို မရေးသင့်ဘူးဆိုတော့ အပေါ်မှာ ကျွန်တော်ရေးခဲ့သလို ဘုန်းတော်ဘွဲ့တွေ ရေးရင်တော့ ရတယ်ဆိုတဲ့ သဘောပေါ့နော်။ တောက်... ပြောတော့ဖြင့် မြန်မာပြည်ဟာ ဒီမိုကရေစီစနစ်နဲ့ ချီတက်နေပြီတဲ့။ အခုမှပဲ ကုန်းဘောင်ခေတ်က မင်းတရားကြီးတွေ၊ ၀န်မင်းတွေ၊ အမတ်မင်းတွေနဲ့ လာတွေ့နေရတယ်။ အခုဆိတ်ဖွားကိစ္စက လွှတ်တော်က လုပ်နေသမျှကို ကောင်းပါတယ်၊ မှန်ပါတယ်လို့ ထောက်ခံရမယ်လို့ တစ်ဖက်လှည့်နဲ့ အာဏာပြတဲ့ လုပ်ရပ်လို့ပဲ ကျွန်တော်ကမြင်တယ်။ ဘာတဲ့... ပြောကြသေးတယ်၊ ဆိတ်ဖွားဟာ အစိုးရအဖွဲ့ကလူဆိုရင် မလုပ်သင့်ဘူးတဲ့။ အပြန်အလှန် ထိန်းကျောင်းတာလို့ မခံယူနိုင်ဘူးလားလို့ မေးလိုက်ချင်တယ်။ သဘောကတော့ အစိုးရအဖွဲ့ကလူက လွှတ်တော်ကို အခုလို ပြောဆိုတာဟာ မကောင်းဘူးပေါ့ဗျာ။ ပြည်သူထဲကဆိုရင်တော့ လက်ခံပါတယ်တဲ့။ ကျွန်တော့်မှာလေ ရယ်ချင်လိုက်တာ မပြောပါနဲ့တော့။ တစ်ခုပဲ မေးချင်တယ်... လွှတ်တော်ကိုယ်စားလှယ်တွေထဲမှာရော သမ္မတကြီး ဦးဆောင်တဲ့ အစိုးရအဖွဲ့ကို အင်တာနက် စာမျက်နှာတွေကတစ်ဆင့် အပုပ်ချ၊ ဝေဖန်၊ တိုက်ခိုက် လုပ်နေတဲ့လူတွေ မရှိဘူးလား။ ကျွန်တော့်အသက်ကို ထပ်ပြီးတော့တောင် လောင်းလိုက်ချင်သေးတယ်။ ကျွန်တော်ဆိုတဲ့ကောင်က ပေါက်ပေါက်ရှာရှာ အတော်တွေးချင်တယ်ဗျ။ အခုလည်းကြည့်၊ လွှတ်တော်စုံခုံကအဖွဲ့တွေက ခင်မောင်ညို(ဘောဂဗေဒ)၊ အလဲဗင်း၊ ဗွိုက်(စ်) စတဲ့ မီဒီယာကလူတွေအပြင် ဆက်သွယ်ရေးက လူတွေကိုလည်း ခေါ်မေးတယ်တဲ့။ အဲဒီလူတွေကများ ဒေါက်တာဆိတ်ဖွားဆိုတာ လွှတ်တော်ကိုယ်စားလှယ် ဘယ်သူပါဆိုပြီး အစစ်ခံလိုက်ကြရင်ဖြင့် ပွဲကလှပြီလို့ ဆိုချင်တာပါပဲ။ ဒါပေမယ့် ဒါက ကျွန်တော့်အတွေး သက်သက်ပါ။ ကျွန်တော့်သူငယ်ချင်းပြောတဲ့ ဟေ့ကောင် ဉာဏ်ကြီး... လွှတ်တော်က မွှတ်နေအောင်လည်တယ်ကွ၊ ဆိတ်ဖွားဆိုတာ ဘယ်သူလဲ သူတို့သိပြီးသားမို့ အခုလို ရှဥ့်အ၀ှာကို အနာလုပ်ပြီး ဟိုဖွဲ့ဒီစစ် လုပ်ကြတာတဲ့၊ တကယ်လို့သာ ဆိတ်ဖွားဆိုတာ ဘယ်သူဘယ်ဝါမှန်း မသိဘူးဆိုရင် လွှတ်တော်ကလူတွေက ဆိတ်ဖွားကို အရေးတောင်လုပ်မှာ မဟုတ်ဘူးတဲ့။ ကျွန်တော်ကတော့ ကျွန်တော့်သူငယ်ချင်းရဲ့ အယူအဆကို အပြည့်အ၀ ထောက်ခံပါတယ်ဗျာ။ သူတို့မှာလည်း လွှတ်တော်စာမျက်နှာ ရှိနေတာပဲ၊ ကလောင်ချင်း အပြိုင်တိုက်ကြပါ့လား၊ အခုတော့ ရှိတဲ့အာဏာကို အသုံးချပြီး လူတစ်ယောက်ကို နှိပ်ကွပ်တယ်လို့ပဲ မြင်မိကြောင်းပါဗျာ။

တစ်ချိန်တုန်းက နာမည်ကြီး ရုပ်ရှင်တစ်ခုကို လူလတ်ပိုင်းများနှင့်အထက် မှတ်မိကြလိမ့်မည် ထင်ပါသည်။ "ညီမလေးက အချစ်ကို ကိုးကွယ်သတဲ့လား" ဆိုတဲ့ ဇာတ်ကားပါ။ အဲဒီဝတ္ထုကို ရေးတဲ့သူက မိုးမိုး (အင်းလျား) ပါ။ အရင်တုန်းက နေအောင်တို့၊ ခင်သီတာထွန်းတို့ သရုပ်ဆောင်ခဲ့တယ် ထင်တာပါပဲ။ အခုနောက်ပိုင်းတော့ မြင့်မြတ်နဲ့ မိုးဟေကိုထင်ပါရဲ့ သရုပ်ဆောင်ပြီး ပြန်ရိုက်ကြတယ်။ ကျွန်တော်ကိုဉာဏ်လည်း ပိုက်ဆံလေးများ အပိုရှိရင် ဇာတ်ကားတစ်ကားလောက် ရိုက်ချင်မိတယ်။ ဇာတ်ကားနာမည်ကတော့ "လွှတ်တော်ကြီးက ဆိတ်ဖွားကို ကြောက်သတဲ့လား" လို့ ပေးမယ်ဗျာ။ ဒေါက်တာဆိတ်ဖွား ဇာတ်ကောင်အတွက်တော့ လျှောက်လွှာခေါ်မယ်။ ကြိုတွေးမိတာကတော့ မုတ်ဆိတ်ဖားဖား ရှိတဲ့လူတွေအားလုံးဟာ ဆိတ်ဖွားလုပ်ချင်လို့ လျှောက်လွှာတင်ကြမယ် ထင်တာပါပဲ။ ခက်တာက ဆိတ်ဖွားလုပ်ချင်တဲ့သူသာ အတော်များပြီး လွှတ်တော်အတွက် လူမရှိတာပါပဲ။ အဲဒီလိုပုံစံမျိုးနဲ့ ကျွန်တော်က ဘယ်လိုလုပ်ပြီး ပြည်သူ့အသံကို ထင်ဟပ်တဲ့ ဇာတ်ကားဆိုပြီး ပေါက်အောင်ရိုက်လို့ ရမလဲဗျာ။
အမှတ်တရ
ကိုဉာဏ် (ပန်းလောင်မြေ)
၂၀၁၃ ခုနှစ်၊ မတ်လ ၂ ရက်၊ စနေနေ့။
ည ၁၁ နာရီ ၁၆ မိနစ်တွင်ပြီး၏။
ရီးရဲလ်မက်ဒရစ် ၂-၁ ဘာစီလိုနာပွဲနှင့်၊ မန်ချက်စတာယူနိုက်တက် ၄-၀ နောဝစ်(ခ်ျ)ပွဲတို့ကို ဟိုပြောင်းဒီပြောင်း ကြည့်ရှုရင်း ရေးခဲ့သည်။
 www.MyanmarExpress.net
 

25 comments:

Good writing. Dr sat phwe is member of BCP.They don't like any body took power.They think their self magician of politic.But they will never win power, because forget about national interest.

မှန်သှ် အပြန်အလှန်ထိမ်းကျောင်းခြင်းသည် ဒီမိုကရေစီမည်သည်။ဆရာ့ကို အပြင်မှာတွေ့က ဦးချကန်တော့မည်သည်သာ ဖြစ်သည်။

Very good.ကို ဥာဏ် ရေ များ များ ရေး ပါ ဗျာ ။စုံ စမ်း ရေး ကော် မ ရှင် အ ဖွဲ့  ခံ ရ ဦး မယ်။ကိုယ် စား အား လုံး ကဒေ သပြည် သူ မဲ ပေး သူ ကို သာ ကိုယါ စား ပြု တာ ။သူ တို့ မဲ မ ပေး သူ လည်း အ များ ကြီး ရှိ သေး တာ သိ သင့် ပါ တယ် ။

ဆိတ် ဖွါး အ တွက် အ ချိန် ကုန် ခံ မဲ့ အ စား ၊တိုင်း ပြည် စီး ပွါး ရေး ဦး မော့ လာ ရန် ပို အား စိုက် သင့် သည်။

ဒေါက်တာဆိတ်ဖွား ရေ ............. ပြေးထား ....ပြေးထား ... မမိခင် မျိုးပွားထား .... နောက်ထပ် ဆိတ်ဖွား မျိုးဆက် ကျန်မှ ဖြစ်မယ် ... ဆိတ်ဖွားမျိုး မျိုးဆက်များ လွှတ်တော်ထဲ ရောက်မှ ဒို့မြန်မာပြည်ကြီး ကောင်းစားမယ် ........ စစ်မှန်တဲ့ ဒီမိုကရေစီကြီး ရနိုင်မယ် .....

ဒေါက်တာဆိတ်ဖွားလို ထိထိ မိမိ မရေးတတ်လို့နော် ရေးတတ်လို့က တော့ ....

I really sorry for our precious time and money.

ဒေါက်တာဆိတ်ဖွား ချစ်သူများ ကျန်းမာကြပါစေ

အလကား လွှတ်တော်ကိုယ်စားလှယ်တွေ တိုင်းပြည်နယ်ငွေဖြုန်းနေတဲ့ ကောင်တွေ။ ဘာမဟုတ်တဲ့မေးခွန်းတွေ၊ ဘာမဟုတ်တဲ့ဟာတွေ၊ အာဏာလုတာတွေနဲ့ အချိန်ဖြုန်းနေတဲ့ကောင်တွေ။ အရှက်ကိုမရှိဘူး။

တောင်ဆိတ်တွေနဲ့ ၇ိုက်ရင် အဲဒီကားပေါက်မယ်

ဆားပုလင်း နှင်းမောင် ရှိရင်းတော့ ဒေါက်တာဆိတ်ဖွားကို မိမည်။ ဒေါက်တာ ဆိတ်ဖွားကိုလေးစားလျှက်

ဒေါက်တာဆိတ်ဖွားရဲ့နေရာမှာ ကိုကျော်သူနဲ့ဆိုကွက်တိဘဲ...

အ ရေးမပါတာ အရာမလုပ်ကြပါနဲ့

အ ရးမပါတောတွေ အ ရာမလုပ်ကြပါနဲ့

ဒေါက်တာဆိတ်ဖွား ကျန်းမာပါစေ။

လွှတ်တော် သဘောထားကြီးသင့်သည်။ အစိုးရ ပြတ်သားသင့်သည်။
တပ်မတော် သမာသမတ်ကျသင့်သည် ။ဒေါက်တာဆိတ်ဖွား အတုံး
လိုက်အတစ်လိုက် မထည့်သင့်။ပါးပါးလေးထည့်သင့်သည်။
အားလုံး အားလုံး ခေါင်းသုံးသင့်သည်။

မိ မိ နိုင် ငံ့ အ ကျိုး တိုး တက် ရေး ကို ရှေး ရှု ၍ လွပ်

လပ် စွာေ ဝ ဖန် အကြံ ပြု ရေး သား ဖော် ပြ ချက် တို့

အား ရာ ဇ ဝတ် မှု တစ် ခု ပြု ဘိ သ ကဲ့ သို့ ရှု မြင် နေ ကြ

အုံး မည် လော ?

ဒေါက်တာဆိတ်ဖွား ကိုစုံစမ်းစစ်ဆေးရေးကော် မရှင် ဖွဲ့တော့ ဟိုကောင် ၈၈ တို့ NLD တို့ ဘာမှမ ပြောကြပါလား လူ့ အခွင့်အ ရေး ဆို မင်းတို့ ကိုပါမချန် သမထားတော့မ ပြောကြတာမလား။

မင်းတို့ငါတို့အချင်းတိုက်နေမယ်ဆိုသူများတွေဝမ်းသာစရာပေါ့ပြေားချင် တာက တော့တိုင်းသားတွေညီညွတ်ပါစေ:)

အကုန်လုံး မ ကောင်းဘူး

ဆိတ်ဖွါးမင်းကိုသိတယ်လုပ်သာလုပိ

ဆရာဆိတ်ဖွား ဟာအသားထဲကလောက်ထွက်တာမဟုတ်ပါ ဒီမြေ ဒီရေကိုငါတိုပဲပိုင်တာဆိုပြီး ငါတို့ပဲစားမယ် ဆိုပြီး မိန်မိန်ယှက်ယှက် မျိုနေသူတွေ ဆိတ်သားစားဖို့ဝိုင်းကြံပေမယ့်ဆရာဆိတ်တိတ်မနေနဲ့ဆက်ရေးပါလို့

Post a Comment

Comment ရေးသူများ သတိပြုရန် ~ Comment ရေးသားရာတွင် (အထူးသဖြင့် မြန်မာလို Comment ရေးသားရာတွင်) စကားလုံးများကို Space ခြားပြီးမှ ရေးပါ။ Space မခြားပဲ ဆက်တိုက်ရေးလျှင် Comment အပြည့်အစုံ ပေါ်လိမ့်မည်မဟုတ်ပါ။

ဒေါ်စု သမ္မတဖြစ်ဖို့ဖွဲ့စည်းပုံပြင်ရေး မအောင်မြင်ဘူးဆိုလျှင်